Շախմատային օլիմպիադա․ կանանց Հայաստանի հավաքականը զիջեց Հնդկաստանին

Հունգարիայի մայրաքաղաք Բուդապեշտում ընթացքի մեջ գտնվող Համաշխարհային շախմատային օլիմպիադայի 6-րդ տուրում կանանց Հայաստանի հավաքականը մրցեց Հնդկաստանի թիմի հետ և պարտվեց 1,5:2,5 հաշվով։

Լիլիթ Մկրտչյանը (2366) սև ֆիգուրներով ոչ ոքի խաղաց Հարիկա Դրոնավալիի (2502) հետ։ Մարիամ Մկրտչյանը (2328) սպիտակներով կիսեց միավորը  Ռամեշբաբու Վայշալիի (2498) հետ։

Էլինա Դանիելյանը (2393) սևերով պարտվեց Դեշմուխ Դիվյային (2483):

Աննա Սարգսյանը (2364) սպիտակներով ոչ ոքի խաղաց Սաչդև Տանյայի (2386) հետ։

Առաջին 5 տուրերում Հայաստանի հավաքականը հաղթել էր Տրինիդադ և Տոբագոյին (4:0), Մեքսիկային (4:0), Հունգարիայի երկրորդ թիմին (3:1), Վիետնամին (3:1) և Չինաստանին (2,5:1,5):

Հնդկաստանի հավաքականը հաղթել էր Ջամայկային (3,5:0,5), Չեխիային (3,5:0,5), Շվեյցարիային (3:1), Ֆրանսիային (3,5:0,5) և Ղազախստանին (2,5:1,5):

Օլիմպիադայում կանցկացվի 11 մրցափուլ։ Սեպտեմբերի 17-ը հանգստյան օր է։