Իսրայելի պաշտպանության նախարարը խոսել է «Հըզբոլլահ»-ի հետ պատերազմի նոր փուլի մասին
Իսրայելի պաշտպանության նախարար Յոավ Գալանտը հայտարարել է, որ երկիրը թեւակոխել է պատերազմի նոր փուլ։ Նրա խոսքերը հայտնում է Ynet պորտալը։
«Վերջին օրերին մի շարք կարևոր քննարկումներ ենք ունեցել։ Սա պատերազմի նոր փուլ է, այն ունի զգալի հնարավորություններ, բայց նաև զգալի ռիսկեր։ «Հըզբոլլահն» իրեն հետապնդված է զգում, և դրա համար մեր ռազմական գործողությունները կշարունակվեն»,- ասել է նա։
Սեպտեմբերի 19-ի երեկոյան իսրայելական ավիացիան մի շարք հարվածներ է հասցրել հարավային Լիբանանի բնակավայրերին։
