Նիդեռլանդները Ուկրաինային կուղարկի 209,5 միլիոն եվրոյի օգնության նոր փաթեթ՝ կարևոր ենթակառուցվածքները վերականգնելու համար․ հայտարարել է երկրի արտաքին գործերի նախարար Կասպար Վելդկամպը, հայտնում է Unian-ը։
Նիդեռլանդները նաև 45 միլիոն եվրո կներդնի Ուկրաինայի էներգետիկ աջակցության հիմնադրամին և կֆինանսավորի անհրաժեշտ սարքավորումների մատակարարումը։
Սեպտեմբերի 20-ին Reuters գործակալությունը հայտնել էր Ուկրաինային սպառազինության նոր փաթեթի չափը, որն ԱՄՆ-ը նախատեսում է հատկացնել հաջորդ շաբաթ։ Այն կկազմի 375 մլն դոլար և կներառի պարեկային նավակներ, զինամթերք HIMARS-ի համար բազմակի արձակման հրթիռային համակարգեր և 155 տրամաչափի հրետանային արկեր և այլ զինատեսակներ։
