Իրանը չպետք է ձեռք բերի միջուկային զենք կամ համակարգեր, որոնք կարող են սպառնալիք ներկայացնել Իսրայելի, տարածաշրջանի և Եվրոպայի համար․ Իտալիայի ԱԳՆ
Մեր ջանքերի հիմնական նպատակը մնում է լարվածության թուլացումը։ Մենք ցանկանում ենք խուսափել հակամարտության ընդլայնումից․ ասել է Իտալիայի ԱԳ նախարար Անտոնիո Տայանին։
«Մենք կոչ ենք անում կողմերին ցուցաբերել առավելագույն զսպվածություն՝ միաժամանակ բաց պահելով երկխոսության ուղիներն Իրանի հետ՝ առանց հրաժարվելու մեր դիրքորոշումից. Իրանը չպետք է ձեռք բերի միջուկային զենք կամ հրթիռային համակարգեր, որոնք կարող են սպառնալիք ներկայացնել Իսրայելի, տարածաշրջանի և Եվրոպայի համար»,- հավելել է նա։
