Բաքվում կայացել է Ռուբեն Վարդանյանի շինծու գործով դատավարության հերթական նիստը
Այսօր Բաքվում կայացել է Արցախի նախկին պետնախարար Ռուբեն Վարդանյանի շինծու գործով դատավարության հերթական նիստը:
Ինչպես հաղորդում են ադրբեջանական լրատվամիջոցները, Վարդանյանին հարցաքննել են։ Սակայն հայտնի չէ՝ նա պատասխանել է հարցերին, թե ոչ։ Նշվում է, որ Վարդանյանին տրամադրել են թարգմանիչ և փաստաբան, ում ինքն է ընտրել:
Բացի այդ, «դատավարության» ընթացքում հարցաքննվել են մի շարք «տուժողներ», պնդում են Բաքվի լրատվամիջոցները:
Դատական հաջորդ նիստը նշանակվել է ապրիլի 8-ին:
