ԿԽՄԿ-ն մտադիր է Ժնևի գլխամասային գրասենյակից բանակցել Բաքվի հետ՝ գերիներին տեսակցելու համար
Այս պահին չունենք որևէ պայմանավորվածություն՝ Ադրբեջանի իշխանությունների հետ՝ Բաքվում ԿԽՄԿ գործունեությունը շարունակելու համար. ABC media–ի հետ զրույցում ասել է ԿԽՄԿ հայաստանյան գրասենյակի հանրային կապերի ղեկավար Զառա Ամատունին։
«ԿԽՄԿ–ն մոտ օրերս դադարեցնելու է Բաքվում 33-ամյա գործունեությունը, որի պատճառով մենք չենք կարող տեղում քայլեր իրականացնել, օրինակ՝ գերիների տեսակցում և այլն։ ԿԽՄԿ–ն մտադիր է շարունակել բանակցությունների Ադրբեջանի հետ գլխամասային գրասենյակից՝ Ժնևից։ Մենք առաջարկելու ենք շարունակել մարդասիրական աշխատանքը, որպեսզի պաշտպանենք դրանց կարիքն ունեցողների շահերը»,- ասել է Ամատունին։
Հիշեցնենք, որ սեպտեմբերի 3-ին Բաքվում փակվելու է ԿԽՄԿ գրասենյակը։ Թե ով է տեսակցելու Բաքվում պահվող հայ ռազմաքաղաքական ղեկավարներին և գերիներին և ապահովելու նրանց կապը հարազատների հետ, դեռ պարզ չէ։
