Բաքվում կայացել է հայ ռազմագերիների շինծու գործով հերթական դատական նիստը
Բաքվի ռազմական դատարանը շարունակում է քննել Արցախի նախկին ղեկավարության և ապօրինաբար պահվող այլ անձանց դեմ շինծու գործը. փոխանցում են ադրբեջանական լրատվամիջոցները:
Ադրբեջանական լրատվամիջոցների հաղորդմամբ՝ իր «ցուցմունքներում» Արցախի նախկին նախագահ Բակո Սահակյանը նշել է, որ 44-օրյա պատերազմից առաջ և հետո զենքի, զինամթերքի, ռազմական տեխնիկայի և անձնակազմի համալրումն իրականացվել է Հայաստանի Հանրապետության կողմից՝ պետական բյուջեի հաշվին։
Հաջորդ նիստը կկայանա սեպտեմբերի 1-ին:
Հիշեցնենք՝ հայ ռազմագերիներին մեղադրում են «ցեղասպանության, խաղաղության և մարդկության դեմ ուղղված հանցագործությունների, ռազմական հանցագործությունների, նաև ահաբեկչության, ահաբեկչության ֆինանսավորման, իշխանության բռնի զավթման» և այլ հոդվածներով:
