Ցավոք, չեմ կարող զանգահարել և շնորհավորել իմ ընկեր Բակոյին. Զատուլին
Ռուսաստանի Պետդումայի ԱՊՀ հարցերով կոմիտեի նախագահի տեղակալ Կոնստանտին Զատուլինը տելեգրամի իր ալիքում հրապարակած գրառմամբ շնորհավորել է Արցախի նախկին նախագահ Բակո Սահակյանի 65-ամյակը և հիշատակել նաև Արցախի առաջին և Հայաստանի երկրորդ նախագահ Ռոբերտ Քոչարյանին։
Զատուլինը գրել է, որ «նախկին ընկերներ չեն լինում» և իր պարտքն է համարում շնորհավորել Քոչարյանին, որը, նրա խոսքով, մինչև օրս ենթարկվում է Հայաստանի «անարժան իշխանությունների» հետապնդմանը։ Միևնույն ժամանակ, քաղաքական գործիչը ցավով նշել է, որ չի կարող շնորհավորել Սահակյանին, որը մոտ երկու տարի պահվում է Բաքվի բանտում՝ Արցախի մյուս նախկին ղեկավարների հետ:
«Ես լավ եմ ճանաչում Բակո Սահակյանին, Արկադի Ղուկասյանին և նրանց մյուս գործընկերներին, որոնք հայտնվել են գերության մեջ։ Նրանց ճակատագիրը մեզ՝ Ռուսաստանում, հիշեցնում է, թե ինչ է նշանակում դավաճանություն։ Բայց ես հավատում եմ, որ արդարության ժամանակը դեռ կգա», – գրել է Զատուլինը։
Նա նաև շեշտել է, որ Ռուսաստանում շատ մարդիկ կան, ովքեր հիշում, հարգում և աջակցում են արցախցիներին․ «Սա է պահանջում է ռուս մարդու խիղճը»։
