Բաքվում կայացել է հայ ռազմագերիների կեղծ գործով հերթական դատական նիստը
Բաքվի ռազմական դատարանը շարունակում է քննել Արցախի ռազմաքաղաքական նախկին ղեկավարության և ապօրինաբար պահվող այլ հայերի դեմ շինծու գործը. փոխանցում են ադրբեջանական լրատվամիջոցները:
Այսօրվա դատական նիստի ընթացքում «տուժողներից մեկը ցուցմունքներ է տվել հայկական ուժերի կողմից կատարված խոշտանգումների վերաբերյալ»:
Բացի այդ՝ Արցախի ԱԺ նախկին խոսնակ Դավիթ Իշխանյանը հանդես է եկել փաստաթղթերի հրապարակման ընթացակարգը կրճատելու միջնորդությամբ:
Կեղծ գործով հաջորդ նիստը տեղի կունենա վաղը:
Հիշեցնենք՝ հայ ռազմագերիներին մեղադրում են «ցեղասպանության, խաղաղության և մարդկության դեմ ուղղված հանցագործությունների, ռազմական հանցագործությունների, նաև ահաբեկչության, ահաբեկչության ֆինանսավորման, իշխանության բռնի զավթման» և այլ հոդվածներով:
