Բաքվում շարունակվել է հայերի դեմ շինծու դատավարությունը
Ադրբեջանական դատարանը շարունակում է քննել Արցախի ռազմաքաղաքական նախկին ղեկավարության և ապօրինաբար պահվող այլ հայերի դեմ շինծու գործը. փոխանցում են ադրբեջանական լրատվամիջոցները:
Այսօրվա դատական նիստում կրկին հնչել են ցուցմունքներ՝ հայկական ուժերի կողմից կատարված «սպանությունների և խոշտանգումների վերաբերյալ». դրանք մեծ մասամբ վերաբերում էին 44-օրյա պատերազմի ընթացքում տեղի ունեցած իրադարձություններին:
Կեղծ գործով հաջորդ նիստը տեղի կունենա հոկտեմբերի 27-ին:
Հիշեցնենք՝ հայ գերիներին մեղադրում են «ցեղասպանության, խաղաղության և մարդկության դեմ ուղղված հանցագործությունների, ռազմական հանցագործությունների, նաև ահաբեկչության, ահաբեկչության ֆինանսավորման, իշխանության բռնի զավթման» և այլ հոդվածներով:
