Առողջապահության նախարարը ներկայացրել է Վագիֆ Խաչատրյանի վիճակը
Առողջապահության նախարար Անահիտ Ավանեսյանը խոսել է Վագիֆ Խաչատրյանի առողջական վիճակի մասին․
«Տեսակցեցի, լավ տրամադրությամբ է, որ հայրենիքում է, սպասում է հարազատների հետ հանդիպմանը: Այս պահին գտնվում է հետազոտման փուլում: Գիտենք, որ Վագիֆը նաև ուներ սրտային քրոնիկ վիճակ, և մենք պետք է որոշակի հավելյալ հետազոտություններ իրականացնենք, ըստ այդմ՝ մեր մասնագիտական թիմը որոշումներ կկայացնի հետագա բուժման ընթացքի վերաբերյալ․ այս պահին ամեն ինչ լավ է», – ասել է նախարարը։
