Ամբողջ աշխարհի ամենափոքր բանակը. ո՞րն է Վատիկանի անվտանգության երաշխիքը
Աշխարհի ամենափոքր բանակը՝ Շվեյցարական գվարդիան՝ Հռոմի կենտրոնում ու հանուն Վատիկանի: Իտալիայի մայրաքաղաքում տեղակայված հոգևոր քաղաք-պետությունը կարող է զարմացնել ոչ միայն իր յուրահատուկ կառուցվածքով ու բովանդակությամբ, այլև բանակով ու սպառազինությամբ: Այո, այո, բանակով։ Աշխարհի ամենափոքր պետության անվտանգությունն անգամ ապահովում է զինված ուժերը։
Գվարդիականներն, իհարկե, իրենց բազմագույն համազգեստով ու միջնադարյան զենքերով կարող են փոքր-ինչ տարօրինակ թվալ Սուրբ Պետրոսի հրապարակ այցելող զբոսաշրջիկներին։ Շատերը նույնիսկ չգիտեն, որ այս երիտասարդներն իրականում զինվորներ են՝ պատրաստված մերձամարտի ու պաշտպանության համար։
