Փաշինյանը վտարանդի կառավարության մեջ վտանգ է տեսնում․ անցած օրն՝ ամփոփ
Նիկոլ Փաշինյանը, հակադարձելով օկուպացված Արցախի Հանրապետության նախագահ Սամվել Շահրամանյանին, զգուշացրել է․ «Ուզում եմ շատ հստակ հայտարարել, որպեսզի բոլորի համար պարզ լինի, որ Հայաստանում կա մի կառավարություն, և այդ կառավարությունը նստած է այս դահլիճում»։
Ավելի վաղ Շահրամանյանն ֆրանսիական«Ֆիգարո» թերթին տված հարցազրույցում խոսել է Երևանում՝ Արցախի պետական մարմինների գործունեության մասին։ Մասնավորապես, ֆրանսիական պարբերականի հարցին՝ Արցախն այլևս տարածք չունի, բայց ֆորմալ առումով դեռ կա վտարանդի պետություն և կառավարություն, Շահրամանյանը պատասխանել է․«Խորհրդարանականները կարող են հավաքվել այստեղ՝ քվեարկելու համար։ Հոկտեմբերին ստորագրել եմ հրամանագիր, որով սահմանվում է, որ կառավարության բոլոր նախարարները մնում են իրենց պաշտոններում կամավոր հիմունքներով»։ Մանրամասները՝ տեսանյութում։
