Shtigen-ը կառուցում է Հայաստանի ամենախոշոր արևային կայանը

130 հա տարածք զբաղեցնող, 62 ՄՎտ արևային կայան։ Մեծ Մասրիկում ենք, այստեղ կառուցվում է Հայաստանի Հանրապետության ամենամեծ արևային կայանը։ «Մասրիկ-1» կայանի կառուցման աշխատանքները ստանձնել է Shtigen ընկերությունը։ Շինարարությունը սկսվել է 2023-ի նոյեմբերից. աշխատանքը չի դադարել անգամ ձմռանը՝ սաստիկ ցրտին, և գարնանը՝ քամուն ու անձրևին։ Խնդիրները շատ էին, իսկ ժամանակը՝ քիչ, չնայած դրան Շտիգեն գրուպը հանձն առավ այս բարդ նախագիծը, նպատակ դրեց ապացուցել՝ Հայաստանում կան ընկերություններ, որոնք կարող են այն իրականացնել։