Միքայել սրբազանի դեմ հարուցված քրգործը իշխանության հակաեկեղեցական կեցվածքի հետևանքն է. Իրաքի Հայոց թեմ
Իրաքի Հայոց առաջնորդարանը մտահոգված է Միքայել արքեպիսկոպոս Աջապահյանին 2 տարվա ազատազրկման դատապարտելու դատարանի որոշումից։
«Ակնհայտ է, որ Շիրակի թեմի առաջնորդի դեմ հարուցված քրեական գործը իշխանությունների հերթական հակաեկեղեցական կեցվածքի բացահայտ հետևանքն է։
Այսպիսով խաթարվել է արդարադատության հանդեպ հանրային վստահությունը, կասկածի տակ է դրվել դատարանի արդար և անաչառ լինելը, բացահայտորեն ոտնահարվել են ժողովրդավարության հիմնարար սկզբունքները»,-ասված է առաջնորդարանի տարածած հաղորդագրության մեջ։
Իրաքի Հայոց թեմը զորակցություն է հայտնել Միքայել սրբազանին և տեղեկացրել էր, որ կանգնած է Հայ եկեղեցու կողքին` ի պաշտպանություն նրա։
