Փարաքարում մեկնարկել է ՏԻՄ ընտրությունը
Փարաքարում մեկնարկել է Տեղական ինքնակառավարման մարմինների ընտրությունը։
Մասնակցության հայտ է ներկայացրել 4 քաղաքական ուժ` «Քաղաքացիական պայմանագիր», «Ազգային առաջընթաց», «Կայունություն» կուսակցությունները և «Միասնություն» կուսակցությունների դաշինքը՝ բաղկացած «Ապրելու երկիր» և «Հաղթանակ» կուսակցություններից:
«Քաղաքացիական պայմանագիր» կուսակցության ցուցակը գլխավորում է Փարաքար համայնքի նախկին ղեկավար, այժմ ղեկավարի ժամանակավոր պաշտոնակատար Լյուդվիգ Գյուլնազարյանը։
«Ազգային առաջընթաց» կուսակցության ցուցակը գլխավորում է Փարաքար համայնքի նախկին ղեկավար Դավիթ Մինասյանը:
«Կայունություն» կուսակցության ցուցակի առաջին համարը Գոռ Սարիբեկյանն է։
«Միասնություն» կուսակցությունների դաշինքի ցուցակը գլխավորում է «Ապրելու երկիր» կուսակցության անդամ, Փարաքար համայնքի ավագանու անդամ Վոլոդյա Գրիգորյանը:
Փարաքար համայնքում ընտրելու իրավունք ունի 20 հազար 967 մարդ, կգործի 16 ընտրատեղամաս։
