Վրաստանում ԱՄՆ դեսպանատունը զգուշացրել է առևտրի կենտրոններում պայթյունների ռիսկի մասին
Վրաստանում ԱՄՆ դեսպանատունը հայտարարություն է տարածել առ այն, որ տեղեկություն է ստացել Թբիլիսիի երեք առևտրի կենտրոններում ռումբերի տեղակայման վտանգի մասին:
Դեսպանատունը հորդորել է իր աշխատակիցներին չայցելել առևտրի կենտրոնները և հետևել լրահոսին:
Վրաստանի ՆԳՆ-ն արդեն արձագանքել է հաղորդագրությանը՝ նշելով, որ համապատասխան ստորաբաժանումներն աշխատում են մայրաքաղաքի առևտրի կենտրոններում ռումբերի տեղակայման մասին տեղեկության փաստով. առևտրի կենտրոններից մարդկանց տարհանման մասին տեղեկություններ չկան:
