Իրանն իրեն վերապահում է բոլոր միջոցներով սեփական ինքնիշխանությունը և ժողովրդին պաշտպանելու իրավունք. Արաղչի
Իրանի արտաքին գործերի նախագահ Աբբաս Արաղչին հայտարարություն է տարածել՝ ընդգծելով, որ Իրանն ունի ինքնապաշտպանության իրավունք.
«Միացյալ Նահանգները՝ որպես ՄԱԿ-ի Անվտանգության խորհրդի մշտական անդամ, կոպտորեն խախտել է ՄԱԿ-ի կանոնադրությունը, միջազգային իրավունքը և Միջուկային զենքի չտարածման մասին պայմանագիրը (NPT)՝ հարձակվելով Իրանի խաղաղ միջուկային օբյեկտների վրա։
Այսօր առավոտյան տեղի ունեցած իրադարձությունները ցնցող և ամոթալի են և կունենան երկարատև հետևանքներ։ ՄԱԿ-ի յուրաքանչյուր անդամ պետք է խորապես մտահոգված լինի այս չափազանց վտանգավոր, անօրինական և հանցավոր վարքագծով։
Հիմնվելով ՄԱԿ-ի կանոնադրության և դրա դրույթների վրա, որոնք թույլ են տալիս ինքնապաշտպանության նպատակով արձագանքել ագրեսիային, Իրանն իրեն վերապահում է իր ինքնիշխանությունը, շահերը և ժողովրդին բոլոր միջոցներով պաշտպանելու իրավունք», – ասվում է հայտարարության մեջ:
Հիշեցնենք՝ այսօր ԱՄՆ-ն ուղիղ հարվածներ է հասցրել Իրանի միջուկային կարևոր երեք թիրախներին։
