Իսրայելը կշարունակի գործողություններ իրականացնել և՛ Իրանում, և՛ Գազայում. Նեթանյահու
Իսրայելի վարչապետ Բենիամին Նեթանյահուն հայտարարել է, որ Իսրայելը կշարունակի լիարժեք ակտիվությամբ գործել և՛ Իրանում, և՛ Գազայում:
«Մենք քայլ առ քայլ մոտենում ենք մեր նպատակների իրագործմանը», – ասել է նա՝ նշելով, որ Իսրայելը շատ մոտ է դրանց հասնելուն։
Նա ընդգծել է, որ չնայած Իրանի դեմ մղվող պատերազմին՝ Իսրայելը շարունակում է ուշադրության կենտրոնում պահել նաև Գազայի հատվածում գործողությունները:
Իսրայելի վարչապետի խոսքով՝ երկիրը չի ներքաշվի հյուծման պատերազմի մեջ, սակայն չի դադարեցնի ռազմական գործողությունները, մինչև չհասնի իր առջև դրված խնդիրներին:
