Մերձավոր Արևելքի պետություններն արձագանքել են Իրանի հարվածին
Մերձավոր Արևելքի և Հյուսիսային Աֆրիկայի մի շարք պետություններ արձագանքել են Կատարում տեղակայված ամերիկյան ռազմաբազայի վրա իրանական հարձակմանը:
Եգիպտոսի կառավարությունը հարձակումը անվանել է ինքնիշխանության խախտում՝ նշելով, որ դա սպառնալիք է սպառնալիք Կատարի տարածքային ամբողջականությանը, իսկ Իրանի գործողությունները հակասում են միջազգային իրավունքին ու ՄԱԿ-ի կանոնադրությանը:
Երկիրը հայտարարել է, որ «արտահայտում է իր խորը մտահոգությունը տարածաշրջանում արագ արագացող և վտանգավոր սրացման վերաբերյալ, հաստատում է ռազմական սրացման կամ պետությունների ինքնիշխանության խախտման բոլոր ձևերի լիակատար մերժումը և կոչ է անում դեէսկալացիայի և հրադադարի անհրաժեշտությանը՝ տարածաշրջանային խաղաղությունն ու անվտանգությունը պահպանելու համար»։
Սաուդյան Արաբիայում հարձակումը «բարի հարևանության սկզբունքների խախտում» են անվանել՝ դրանք համարելով բացարձակապես անընդունելի և արդարացում չունեցող։
Հորդանանը նույնպես դատապարտել է Իրանի հարձակումը:
Բահրեյնի իշխանությունն իր լիակատար աջակցությունն է հայտնել Կատարին՝ մեջբերելով երկրների միջև եղբայրությունը և ազգակցական սերտ կապերը։
Օմանի արտաքին գործերի նախարարության խոսնակը դատապարտել է տարածաշրջանային լարվածությունը, որը, նրանց խոսքով, դրդվել է Իսրայելի կողմից և ներառում է նաև վերջերս Իրանի հարձակումը։
Պաղեստինի ինքնավարության նախագահի գրասենյակը նույնպես արձագանքել է իրանական հարձակմանը՝ այն որակելով որպես Կատարի ինքնիշխանության ակնհայտ խախտում։
