Մենք կարող ենք հեշտությամբ համաձայնության գալ Միացյալ Նահանգների հետ երկխոսության և բանակցությունների միջոցով. Փեզեշքիան
Իրանի նախագահ Մասուդ Փեզեշքիանը հայտարարել է, որ իր կարծիքով՝ Իրանը կարող է հարթել իր տարաձայնությունները Միացյալ Նահանգների հետ երկխոսության միջոցով.
«Ես համոզված եմ, որ մենք կարող ենք հեշտությամբ հարթել մեր տարաձայնությունները Միացյալ Նահանգների հետ երկխոսության և բանակցությունների միջոցով», – ասել է նա:
Իրանի առաջնորդը կոչ է արել Դոնալդ Թրամփին չներքաշել ԱՄՆ-ն Իրանի հետ պատերազմի մեջ, ինչին ցանկանում է հասնել Բենիամին Նեթանյահուն.
«Միացյալ Նահանգների նախագահ պարոն Թրամփը ընդունակ է տարածաշրջանը տանելու դեպի խաղաղություն. նա պետք է կա՛մ Իսրայելին տեղը դնի, կա՛մ ընկնի անհատակ փոսի կամ ճահճի մեջ», – ասել է Իրանի նախագահը:
Նա նաև մեղադրեց Իսրայելին Իրանի և Միացյալ Նահանգների միջև բանակցություններին խոչընդոտելու համար:
