Վրաստանի ընդդիմությունը ցանկանում է երկրում «Մայդան» կազմակերպել․ խոսնակ Շալվա Պապուաշվիլի
Վրաստանի ընդդիմությունը և արտասահմանից ֆինանսավորվող ՀԿ-ները, որոնք հոկտեմբերի 4-ին՝ տեղական ինքնակառավարման մարմինների ընտրությունների օրը, պլանավորում են «խաղաղ հեղափոխություն», ցանկանում են երկրում «Մայդան» կազմակերպել։ Այս մասին հայտարարել է Վրաստանի խորհրդարանի խոսնակ Շալվա Պապուաշվիլին, գրում է ТАСС-ը։
«Սա վտանգավոր ուղի է, որը մի քանի կուսակցություններ և ՀԿ-ներ ընտրել են արտաքին ճնշման տակ։ Այս ուղին ուղղակիորեն տանում է դեպի «Մայդան», արյունահեղություն և անկարգություններ», – լրագրողներին հայտնել է Պապուաշվիլին։
