ԱՄՆ-ն չի պատրաստվում պատերազմ սկսել, բայց եթե այն սկսվի, ԱՄՆ-ն կհաղթի այնպես, ինչպես ոչ ոք երբեք չի հաղթել․ Թրամփի ելույթը Քնեսեթում՝ կետերով
ԱՄՆ-ն չի պատրաստվում պատերազմ սկսել, բայց եթե այն սկսվի, ԱՄՆ-ն կհաղթի այնպես, ինչպես ոչ ոք երբեք չի հաղթել․ Իսրայելի քնեսեթում ելույթի ժամանակ հայտարարել է ԱՄՆ նախագահ Դոնալդ Թրամփը։
Թրամփի ելույթի առանցքային հատվածները՝ կետերով․
- Գազայից հետո պատրաստվում ենք կենտրոնանալ ուկրաինական հակամարտության կարգավորման վրա։
- Գազայի խաղաղության համաձայնագիրն անհնար կլիներ առանց Իրանի ուրանի հարստացման օբյեկտների ռմբակոծման։
- ԱՄՆ-ն չի պատրաստվում պատերազմ սկսել, բայց եթե այն սկսվի, ԱՄՆ-ն կհաղթի այնպես, ինչպես ոչ ոք երբեք չի հաղթել։
- Նեթանյահուի հետ հեշտ չէ գործ ունենալ, բայց հենց դա է նրան դարձնում ակնառու։
- Մենք ութ ամսվա ընթացքում ավարտել ենք ութ պատերազմ, այդ թվում՝ սա։ Երեկ ես ասացի յոթ, բայց հիմա կարող եմ ասել ութ։
- Իսրայելը միշտ կմնա Միացյալ Նահանգների կարևոր դաշնակիցը։
Ի դեպ, Քնեսեթում Թրամփի ելույթի ժամանակ պատգամավորները «ցեղասպանություն» գրությամբ ցուցանակներ են պարզել. նրանք հեռացվել են դահլիճից։
