Թուրքիայում հյուրանոցում բռնկված հրդեհի գործով 11 անձ ցմահ ազատազրկվել է

Թուրքիայի հյուրանոցներից մեկում բռնկված հրդեհի գործով 11 մարդ դատապարտվել է ցմահ ազատազրկման. գրում են տեղական լրատվամիջոցները։

Հրդեհի զոհ է դարձել 78 մարդ, այդ թվում՝ 34 երեխա։ Եվս 137-ը ստացել են տարբեր աստիճանի վնասվածքներ։

Ըստ տեղեկությունների՝ հյուրանոցում բացակայել են հրդեհային անվտանգության տարրական միջոցառումները։

Ցմահ դատապարտվել են հյուրանոցի սեփականատերը, հյուրանոցի խորհրդի անդամներ, մենեջերներ և այլ աշխատակիցներ։