Ալիևը ևս հաստատել է հայ-ադրբեջանական փաստաթուղթը

Իլհամ Ալիևը հրամանագիր է ստորագրել, որով հաստատել է «Ադրբեջանի և Հայաստանի միջև պետական սահմանի սահմանազատման և սահմանային անվտանգության հարցերով հանձնաժողովի ու Ադրեջանի և Հայաստանի միջև պետական սահմանի սահմանազատման պետական հանձնաժողովի համատեղ գործունեության մասին կանոնակարգը»:

Հրամանագրի համաձայն՝ հաստատվել են 2024 թվականի օգոստոսի 30-ին ստորագրված կանոնակարգերը․ այս մասին հայտնում է APA գործակալությունը։

Նշենք, որ այդ փաստաթուղթը ստորագրել է  նաև ՀՀ նախագահ Վահագն Խաչատուրյանը։

Հիշեցնենք, որ հոկտեմբերի 23-ին Ազգային ժողովը ևս վավերացրել էր Կանոնակարգը։