Ռուսաստանի մի քանի շրջանների, այդ թվում՝ Հյուսիսային Կովկասի և Ղրիմի հանրապետությունների ղեկավարները աջակցել են Աբխազիայի նախագահ Ասլան Բժանիային և նոյեմբերի 15-ի իրադարձություններն անվանել հեղաշրջման փորձ։ Այս մասին հայտնել է Աբխազիայի նախագահի մամուլի ծառայությունը, փոխանցում է ՌԻԱ Նովոստին։
«Ռուսաստանի Դաշնության շրջանների մի քանի ղեկավարները Աբխազիայի նախագահ Ասլան Բժանիայի հետ հեռախոսազրույցում աջակցություն են հայտնել նրան»,- ասվում է հաղորդագրության մեջ։
Նրանք նաև նշել են, որ Բժանիայի զրուցակիցները խաղաղություն և բարություն են մաղթել աբխազ ժողովրդին։
Նախօրեին հաղորդվել էր, որ Ասլան Բժանիան, ով գտնվում է Օչամչիրայի շրջանի իր հայրենի Թամիշ գյուղում, ծրագրում է նոյեմբերի 16-ին հանդիպել բնակիչների հետ։
Հիշեցնենք, որ Աբխազիայում բողոքի ցույցեր են Կառավարությունում քննարկվող նախագծի հետ կապված։
