Թուրքիայի, Իրանի և Ռուսաստանի արտգործնախարարները կհանդիպեն Կատարում՝ քննարկելու իրավիճակը Սիրիայում
Թուրքիայի, Իրանի և Ռուսաստանի արտաքին գերատեսչությունների ղեկավարները նոյեմբերի 7-ին կհանդիպեն Դոհայում՝ քննարկելու Սիրիայում ապստամբների առաջխաղացումը, հայտնում է Reuters գործակալությունը՝ հղում անելով թուրքական դիվանագիտական աղբյուրին։
Աղբյուրը նշում է, որ երեք նախարարների հանդիպումը նախատեսվում է շաբաթ՝ Դոհայի ֆորումի շրջանակներում։ Լրացուցիչ տեղեկություններ չեն հաղորդվում:
Ինչպես նշվում է, Թուրքիան, Ռուսաստանը և Իրանը պարբերաբար բանակցություններ են վարել Սիրիայի ապագայի վերաբերյալ եռակողմ ձևաչափով, որը հայտնի է որպես Աստանայի խաղաղ գործընթացի մաս:
Երկուշաբթի Թուրքիայի արտգործնախարար Հաքան Ֆիդանը, Անկարայում Իրանի արտգործնախարար Աբբաս Արաղչիի հետ բանակցություններից հետո ասաց, որ նոր ջանքեր կգործադրվեն Աստանայի գործընթացը վերակենդանացնելու համար։
