ԱՄՆ-ը շուտով կստանա Գազայի հատվածը․ Թրամփ
ԱՄՆ նախագահ Դոնալդ Թրամփը հայտարարել է, որ Գազայի հատվածը գնելու իմաստ չկա, քանի որ այն պատերազմով ձեռք բերված տարածք է։
«Մենք կվերցնենք այն, կպահենք, կպաշտպանենք և ի վերջո այնտեղ կյանք կհաստատենք։ Այնտեղ շատ աշխատատեղեր կստեղծվեն՝ Մերձավոր Արևելքի մարդկանց համար»,- ասել է նա՝ հավելելով, որ Գազայի հատվածը կարող է դառնալ տարածաշրջանի «ադամանդը»:
Թրամփն ասել է, որ պաղեստինյան անկլավում կարող են հայտնվել հյուրանոցներ և առողջարանային գոտի։
Նշենք, որ ԱՄՆ վարչակազմը բանակցություններ է վարում պաղեստինցիներին Հորդանանում և Եգիպտոսում վերաբնակեցնելու հարցի շուրջ։
