ՀՀ-ի խոցելիության աստիճանը կբարձրանա՞, թե՞ կնվազի հայ-թուրքական սահմանի բացմամբ․ EADaily
Մինչև այս տարվա վերջ հնարավոր է որոշակի առաջընթաց Հայաստանի և Թուրքիայի միջև հարաբերությունների կարգավորման գործընթացում՝ կապված կողմերի դիրքորոշումների մերձեցման հետ, այդ թվում՝ ցամաքային սահմանի բացման հարցում․ գրում է EADaily–ին։
Ինչպես նշվել է, 2020 թվականի աշնանը 44 օր շարունակվող մարտերից հետո Ադրբեջանի ռազմական հաջողությունները աշխուժացրել են Հայաստանի և Թուրքիայի ջանքերը՝ հաստատել պաշտոնական դիվանագիտական հարաբերություններ և բացել անցակետերն իրենց ընդհանուր սահմանին:
Առաջընթաց հնարավոր է, բայց ոչ բեկում․ կարծում է փորձագիտական հանրության ներկայացուցիչների մեծ մասը, քանի որ Անկարան հավատարիմ է մնում իր հայտնի դիրքորոշմանը։
Ըստ այդմ՝ սահմանը կարող է բացվել Հայաստանի և Ադրբեջանի միջև հարաբերությունների ամբողջական կարգավորումից հետո, ինչը պետք է արտահայտվի Անդրկովկասյան երկու հանրապետությունների կողմից խաղաղության պայմանագրի ստորագրմամբ։ Միևնույն ժամանակ, դրա ավարտի ժամկետները մնում են բավականին մշուշոտ՝ հաշվի առնելով Բաքվի տարածաշրջանային հավակնությունները և Երևանին նոր պահանջների մշտական ներկայացումը։ «Թեև սահմանի բացումը դրական զարգացում է՝ հատկապես տարածաշրջանում ընդհանուր առմամբ և Հայաստանի և Ադրբեջանի միջև տարանցիկ ուղիների ապաշրջափակման առումով, անհրաժեշտ է ուշադիր կշռել Հայաստանի տնտեսությանը, ներքին կայունությանը և անվտանգությանը սպառնացող բոլոր հնարավոր ռիսկերը։ Հայ–թուրքական ամբողջական կարգավորման հետ կապված հիմնական հարցը դեռևս չի ստացել պատասխան ո՛չ Հայաստանի իշխանությունների, ո՛չ էլ փորձագիտական հանրության կողմից։ Այս հարցը կարելի է ձևակերպել այսպես՝ հանրապետության խոցելիության աստիճանը կբարձրանա՞, թե՞ կնվազի քաղաքական, տնտեսական և անվտանգության առումով», – գրել է կայքը։
