
ԱՄՆ-ում ուժգին փոթորիկներ ու տորնադոներ են մոլեգնում. կան զոհեր
Ուժեղ փոթորիկներ ու տորնադոներ են մոլեգնում ԱՄՆ–ի հարավում և արևմուտքում․ գրում է The Guardian–ը։
Հաղորդվում է, որ Թենեսի և Միսսուրի նահանգներում զոհվել է առնվազն յոթ մարդ․ առնվազն մեկ տասնյակ մարդ վիրավորվել է։ Տապալվել են էլեկտրահաղորդման գծեր ու ծառեր․ ավերվել են տներ։
Սպիտակ տունը հավանություն է տվել Թենեսի նահանգի կողմից արտակարգ դրություն հայտարարելու խնդրանքին։
Ինդիանա նահանգը, միևնույն ժամանակ, ինքնուրույն է հայտարարել արտակարգ դրություն՝ հրահանգելով ազգային գվարդիայի 50 անդամների դիմակայել եղանակային վատ պայմաններին, որոնք ազդել են նահանգի 41 շրջանների վրա:
Փոթորիկները այժմ շարժվում են դեպի արևելք։ Տեխասից մինչև Օհայո 213,000 տուն մնացել է առանց էլեկտրականության: ԱՄՆ–ի Ազգային օդերևութաբանական ծառայությունը Արկանզասի, Թենեսիի և Կենտուկիի որոշ հատվածներում զգուշացրել է հորդառատ անձրևների վտանգի մասին։