Եթե կառավարությունը խոստումները չկատարի, արցախցիները մեկի փոխարեն 100 վրան կտեղադրեն. Մարգարյան
Մեր խորհրդի գլխավոր նպատակը Արցախ հավաքական վերադարձն է, իսկ այդ վերադարձը ապահովելու համար պետք է արցախցիները մնան Հայաստանում։ Մենք սա առաջնային համարելով ենք սոցիալական հարցը փորձում կարգավորել առաջնային. այսօր մամուլի ասուլիսի ժամանակ ասել է Արցախցիների իրավունքների պաշտպանության խորհրդի անդամ Ապրես Մարգարյանը։
«Մենք առաջնային լուծում ենք սոցիալական խնդիրը, որովհետև բազմիցս ասել ենք, որ կառավարության այս ծրագիրը արտագաղթի ծրագիր է, և հիմա հայկական Արցախ ունենալու համար առաջնային պետք է, որ արցախցին ապրի Հայաստանում։ Երկրորդ. մենք պետք է ունենանք ուժեղ Հայաստան թե՛ տնտեսապես, թե՛ ռազմական առումով։ Առաջին օրվանից նշում ենք, որ Հայաստանի Հանրապետության կառավարությունը այն մեծ պոտենցիալը և մեծ ռեսուրսը, որ ունի արցախցին, ուղղակի չի գործածում, և մեր պայքարը նաև հենց այդ շրջանակում է։ Մենք հենց կառավարության բանակցությունների ժամանակ էլ եք նշել, որ մենք պատրաստ ենք կառուցողական քննարկումների, որպեսզի մեր բարձրացրած հարցերը լուծվի»,- ասել է Մարգարյանը։
Ասուլիսին նշել են՝ վրանը ապամոնտաժում են՝ կառուցողական քննակումներ և բանակցություններ անցկացնելու համար։ Խորհրդի անդամներից Մարգարյանը նշել է` եթե Կառավարությունը խոստումները չկատարի, մեկ վրանի փոխարեն կունենան 100 վրան ոչ միայն Ազատության հրապարակում, այլև Հայաստանի Հանրապետության տարբեր կետերում։
