Իրանի գերագույն առաջնորդը կասկածում է ԱՄՆ-ի հետ բանակցությունների հաջողությանը
Իրանի գերագույն առաջնորդ այաթոլլահ Ալի Խամենեին կասկած է հայտնել Թեհրանի միջուկային ծրագրի շուրջ ստեղծված ճգնաժամը կարգավորելու համար Միացյալ Նահանգների հետ բանակցությունների արդյունավետության վերաբերյալ։
«Ե՛վ այն ժամանակ, և՛ հիմա, բանակցությունները վարվել են միջնորդների միջոցով, թեև ապարդյուն։ Եվ հիմա մենք չենք կարծում, որ դրանք որևէ արդյունքի կհանգեցնեն։ Անհասկանալի է, թե ինչ կլինի հետո», – նրա խոսքերն է մեջբերում Խամենեիի մամուլի ծառայությունը։
Իսլամական Հանրապետության առաջնորդի խոսքով՝ ուրանի հարստացումը դադարեցնելու պահանջը մեծ սխալ է։ «Ես կցանկանայի զգուշացնել մյուս կողմին։ ԱՄՆ ներկայացուցիչները, որոնք մասնակցում են այս բանակցություններին միջնորդների միջոցով, փորձեք անհեթեթություններ չխոսել։ Ասել, որ դուք թույլ չեք տա Իրանին հարստանալ, մեծ սխալ է։ Մեզ ոչ մեկի թույլտվությունը պետք չէ։ Հաջորդ անգամ ես կբացատրեմ իրանցի ժողովրդին, թե ինչու են նրանք այդքան կենտրոնացած ուրանի հարստացման վրա, ինչու են Արևմուտքը, ԱՄՆ–ն և մյուսները այդքան պնդում, որ Իրանը դադարեցնի ուրանի հարստացումը», – ասել է Խամենեին։
Վաշինգտոնն ավելի վաղ հայտարարել էր, որ Թեհրանը պետք է դադարեցնի ուրանի հարստացումը և արդյունավետորեն կրճատի իր միջուկային ծրագիրը։
