ԱՄՆ-ն պատրաստվում է հանել Սիրիան ահաբեկչության հովանավորների ցուցակից
Սիրիայի հարցերով ԱՄՆ հատուկ դեսպանորդ Թոմաս Բարաքը ժամանել է Սիրիա, այցի ընթացքում պաշտոնյան հանդիպում է ունեցել երկրի ժամանակավոր կառավարության ղեկավար Ահմեդ ալ–Շարաայի և ԱԳՆ ղեկավարի հետ։
ԱՄՆ նախագահ Դոնալդ Թրամփը մտադիր է մեկընդմիշտ վերջ դնել «Իսլամական պետություն» ահաբեկչական կազմակերպությանը Սիրիայում. այս մասին «Al Arabiya» հեռուստաալիքին հայտարարել է Սիրիայի հարցերով ԱՄՆ հատուկ ներկայացուցիչ Թոմաս Բարաքը։
Դամասկոս կատարած այցի ընթացքում Սիրիայի հարցերով ԱՄՆ հատուկ դեսպանորդ Թոմաս Բարաքը հայտարարել է, որ նախագահ Դոնալդ Թրամփը մտադիր է շուտով Սիրիան հանել ահաբեկչությանը հովանավորող պետությունների ցանկից։
«Թրամփը ցանկանում է մեկընդմիշտ վերջ դնել ԻՊ-ին Սիրիայում», – ասել է նա։
Ամերիկացի ներկայացուցչի խոսքով՝ «ԱՄՆ բանակը 99%-ով կատարել է ԻՊ-ի դեմ պայքարի իր առաքելությունը»։
