Թրամփն ու Պուտինը կառուցողական զրույց են ունեցել. Պեսկով
Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև հեռախոսազրույցը կառուցողական և անհրաժեշտ էր: Նախագահները քննարկել են բազմաթիվ կարևոր հարցեր, նշել է Ռուսաստանի առաջնորդի մամուլի քարտուղար Դմիտրի Պեսկովը։
«Ընդհանուր առմամբ, իհարկե, զրույցը կառուցողական և անհրաժեշտ էր։ Նախագահները իսկապես քննարկել են բազմաթիվ էական և կարևոր հարցեր», – նշել է Պեսկովը։
Նա հաստատել է, որ Ռուսաստանի նախագահ Վլադիմիր Պուտինը ԱՄՆ նախագահ Դոնալդ Թրամփի հետ զրույցում ասել է, որ Մոսկվան կարձագանքի Կիևի կողմից իր օդանավակայանների վրա հարձակումներին։
Պեսկովը նաև հավելել է, որ Ռուսաստանի նախագահ Վլադիմիր Պուտինը և ռուսական կողմը, անհրաժեշտության դեպքում, կարող են միանալ Իրանի միջուկային խնդրի լուծմանը:Ավելի վաղ Ռուսաստանի նախագահի օգնական Յուրի Ուշակովը լրագրողներին հայտնել էր, որ Պուտինը և ԱՄՆ նախագահ Դոնալդ Թրամփը քննարկել են մի շարք միջազգային հարցեր՝ շեշտը դնելով Թեհրանի միջուկային ծրագրի շուրջ ԱՄՆ-Իրան բանակցությունների վրա։
