Իլոն Մասկի և Թրամփի հակասությունները սրվում են
Եթե ԱՄՆ-ն կտրի ձեռնարկատեր Իլոն Մասկի նախագծերը պետական ֆինանսավորումից և խզի նրա հետ կնքված պայմանագրերը, երկիրը միլիարդավոր դոլարներ կխնայի․ հայտարարել է Սպիտակ տան ղեկավար Դոնալդ Թրամփը՝ Truth Social սոցիալական ցանցում ձեռնարկատիրոջ հետ կոնֆլիկտից հետո։
«Ամենահեշտ ճանապարհը Իլոնի պետական սուբսիդիաներն ու պայմանագրերը դադարեցնելն է։ Ես միշտ մտածել եմ, թե ինչու Բայդենը դա չարեց», – գրել է Թրամփը։
Ավելի վաղ Թրամփը հրապարակավ հայտարարել էր, որ Իլոն Մասկը խելագարվել է էլեկտրական մեքենաների պարտադիր օգտագործման վերաբերյալ իր որոշումից հետո։ Ի պատասխան՝ միլիարդատերը գրել է. «Այնքան ակնհայտ սուտ, այնքան տխուր»։
