Նրանք պետք է դա անեին վաղուց․ Թրամփը՝ Իրանի հետ բանակցությունների մասին
Իրանը ձգտում է երկխոսության, բայց այն պետք է սկսեր այն «վաղուց»․այս մասին հայտարարել է ԱՄՆ նախագահ Դոնալդ Թրամփը G7 գագաթնաժողովի շրջանակներում Կանադայի վարչապետ Մարկ Քարնիի հետ հանդիպման ժամանակ:
«Նրանք ուզում են խոսել, բայց նրանք պետք է դա անեին վաղուց: Մենք ունեինք 60 օր, նրանք՝ 60 օր: 61-րդ օրը ես ասացի. մենք գործարք չունենք», – ասել է Սպիտակ տան ղեկավարը:
Թրամփը հավելել է, որ Իրանն այսօր «պատերազմում չի հաղթում»: Այս առումով, ըստ ամերիկացի առաջնորդի, երկիրը պետք է անմիջապես սկսի բանակցությունները: Գործարքի կնքումը մնում է հնարավոր, բայց պայմանները պետք է բավարարեն երկու կողմերին էլ:
