Եկեղեցին և Կարապետյանը՝ քաղաքական հալածանքի զոհ․ Eurasianet

Հայաստանում ներքաղաքական պայքարի սրացումը Երևանի և Ռուսաստանի միջև լարվածության ևս մեկ ալիք է առաջացնում։ Կրեմլի քարոզչական գործակալության հիմնական անդամները հունիսի 18-ին հանրության ուշադրության կենտրոնում հայտնված արագ զարգացող ներքաղաքական թշնամանքի ժամանակ պաշտպանել են ռուսաստանաբնակ հայ միլիարդատեր Սամվել Կարապետյանին, ով վարչապետ Նիկոլ Փաշինյանի կոշտ քննադատն է․ գրել է Eurasianet-ը։

Կարապետյանը հանդես է եկել Հայ Առաքելական եկեղեցուն աջակցող մեկնաբանություններով։ Հունիսի սկզբին Փաշինյանը մեղադրել է եկեղեցու առաջնորդ Գարեգին II-ին իր քահանայական երդումները խախտելու մեջ։ Եկեղեցին ուղղակիորեն չի արձագանքել մեղադրանքին։

Կայքն ընդգծել է, որ Փաշինյանն արձագանքել է Կարապետյանի քննադատությանը՝ դիմելով քաղաքական ագրեսիվ միջոցների, թույլատրելով նրա կալանավորումը պետականության դեմ ուղղված գործունեության կասկածանքով։ Վարչապետը նաև հավելել է, որ գործարարի կողմից վերահսկվող էլեկտրաէներգիայի ընկերությունը պետք է ազգայնացվի։ Փաշինյանը մեղադրել է Կարապետյանին երկրում էլեկտրաէներգիայի պակաս ստեղծելու մեջ, որը հատուկ նախատեսված է եղել կառավարության նկատմամբ հանրային դժգոհություն հրահրելու համար։ Նա էներգետիկ ընկերությանը մինչև հունիսի 21-ը ժամանակ է տվել «քաղաքացիներին պատճառված վնասը վերականգնելու մեխանիզմ» ստեղծելու համար, հակառակ դեպքում՝ կառավարությունը կզավթի ղեկավարությունը։
Փաշինյանի խաղը Մոսկվայից արագ արձագանք է ստացել՝ լրատվամիջոցների կողմից նրա գործողությունները դատապարտող հեղեղի տեսքով։ ՌԴ Արտաքին գործերի նախարարության խոսնակ Մարիա Զախարովան Փաշինյանին ծաղրել է՝ անվանելով երեսպաշտ։

Հայ Առաքելական եկեղեցին նույնպես պաշտպանել է Կարապետյանին՝ նրան անվանելով «ազգային բարերար»։
Միևնույն ժամանակ, Կարապետյանի փաստաբանը նշել է, որ իր պաշտպանյալը քաղաքական հալածանքի զոհ է։