Իրանը հերքել է Թրամփի պնդումը, թե Թեհրանը Վաշինգտոնից հանդիպում է խնդրել
Իրանի Արտաքին գործերի նախարարության խոսնակ Էսմայիլ Բաղային հերքել է ԱՄՆ նախագահ Դոնալդ Թրամփի պնդումները, թե Թեհրանը, իբր, ամերիկացի բանակցողների հետ հանդիպում է խնդրել:
«Ամերիկյան կողմի հետ հանդիպման որևէ հայց մեր կողմից չի ներկայացվել», – նշել է Բաղային։
Թրամփն ավելի վաղ հայտարարել էր, որ Իրանը «հանդիպում է խնդրել», և եթե բանակցությունների արդյունքում հնարավոր լինի «ինչ-որ բան թղթի վրա գրանցել, դա լավ կլինի»։
ԱՄՆ նախագահի հատուկ դեսպանորդ Սթիվեն Վիտկոֆի խոսքով՝ ԱՄՆ-Իրան բանակցությունները, հավանաբար, տեղի կունենան հաջորդ շաբաթ։
