Ինչո՞ւ է Սարդարապատի տնօրենն ազատվել պաշտոնից․ պարզաբանել է նաև մարզպետը

Ապրիլի 3-ին «Հրապարակ» օրաթերթը տպագրել է «Արցախի դրոշի պատճառով հեռացվել է պաշտոնից» վերտառությամբ հոդված, ինչն արտատպվել է հայաստանյան մի շարք լրատվամիջոցներում: Ցանկանում ենք տեղեկացնել, որ նյութում առկա տեղեկատվությունը չի համապատասխանում իրականությանը․ տեղեկացնում են Արմավիրի մարզպետարանից։

««Սարդարապատի միջնակարգ դպրոց» ՊՈԱԿ-ի տնօրենն ազատվել է աշխատանքից, քանի որ խախտել է աշխատանքային որոշ պարտականություններ, որ արձանագրել է Կրթության տեսչական մարմինը։

Կարինե Սմբատյանի նկատմամբ վստահությունը կորցնելու պատճառով ՀՀ Արմավիրի մարզպետի որոշմամբ նա ազատվել է «Սարդարապատի միջնակարգ դպրոց» ՊՈԱԿ-ի տնօրենի պաշտոնից, և լուծվել է նրա հետ 2021 թվականի հուլիսի 7-ին կնքված աշխատանքային պայմանագիրը։

ՀՀ Արմավիրի մարզպետի 2026 թվականի մարտի 30-ի որոշումը հրապարակված է մարզպետի աշխատակազմի պաշտոնական կայքէջում»,- ասված է հաղորդագրությունում։