16 Նոյ
2026
7° c ԵՐԵՎԱՆ
5° c ՍՏԵՓԱՆԱԿԵՐՏ
ABCMEDIA
Վենսը դեռ չի որոշել՝ կառաջադրվի՞ նախագահի պաշտոնում, թե՞ ոչ․ Axios

Վենսը դեռ չի որոշել՝ կառաջադրվի՞ նախագահի պաշտոնում, թե՞ ոչ․ Axios

ԱՄՆ փոխնախագահ Ջեյ Դի Վենսը դեռևս վերջնական որոշում չի կայացրել 2028 թվականին նախագահի պաշտոնում առաջադրվելու վերաբերյալ․  հայտնում է Axios-ը՝ տեղեկացված աղբյուրներին հղումով։

Նրանց խոսքով՝ Վենսը մինչև Նոր տարի վերջնական որոշում չի կայացնի այս հարցի վերաբերյալ և կարող է սպասել մինչև ուշ գարուն՝ իր մտադրությունները հրապարակայնորեն հայտարարելու համար։ Ըս որոշ տեղեկությունների՝ նա դեռևս քննարկում է իր ընտանիքի հետ հնարավոր առաջադրման հարցը։

Միևնույն ժամանակ՝ Վենսի գործընկերները նշում են, որ միջանկյալ ընտրություններում հանրապետականների արդյունքները չեն ազդել նրա հեղինակության վրա:

Փոխնախագահի ամենամոտ քաղաքական խորհրդականները կարծում են, որ նա պետք է առաջադրվի 2028 թվականին, և որ նա, հավանաբար, դա կանի։

Միևնույն ժամանակ, Axios-ը հաղորդում է, որ մի քանի այլ հանրապետականներ նույնպես քննարկում են առաջադրվելու հնարավորությունը։ Օրինակ՝ սենատոր Թեդ Քրուզի թիմը հանդիպում է անցկացրել՝ քննարկելու նրա հնարավոր առաջադրումը։ Որոշ հանրապետականներ պետքարտուղար Մարկո Ռուբիոյին համարում են Վենսի պոտենցիալ հակառակորդ։

Հանրապետական կուսակցության այլ հավանական թեկնածուների թվում են Վիրջինիայի նախկին նահանգապետ Գլեն Յանգկինը, Ջորջիայի նահանգապետ Բրայան Քեմփը և Ֆլորիդայի նահանգապետ Ռոն ԴեՍանտիսը։

Ռազմագերիներ   Ռազմագերիներ