Աշխարհի միակ վարչապետն եմ, որ հեղափոխության կոչ եմ արել, բայց քաղաքացիները չարեցին. Նիկոլ Փաշինյան
Ես ազգային ժողովի ամբիոնից ասել եմ, որ իմ՝ որպես վարչապետի փորձառության և վերլուծության հետևությունն այն է, որ մենք չպետք է շարունակենք Ղարաբաղյան շարժումը. այսօր լրագրողների հետ ճեպազրույցում հայտարարել է Նիկոլ Փաշինյանը:
«Ղարաբաղյան շարժմանը մասնակցել եմ 7 տարեկանից, բայց հայտարարել եմ, որ այս ուղեգծով եմ առաջնորդելու Հայաստանի Հանրապետությունը, և եթե ՀՀ քաղաքացիները համարում են, որ այսպես չպետք է լինի, ես ինքս քաղաքացիներին կոչ եմ անում հեղափոխություն անել: Աշխարհի և միակ վարչապետն եմ՝ ըստ իս, ով իր երկրի քաղաքացիներին նման կոչ է անում: Բայց փաստն այն է, որ մեր քաղաքացիները չարեցին այդ հեղափոխությունը, որովհետև ինձ նման հասկացան, որ առանց որոշում կայացնելու ո՛չ տեսականորեն, ո՛չ գործնականում այն իրականացնել հնարավոր չէ»,- ասել է Փաշինյանը:
Վարչապետի խոսքով՝ Ղարաբաղյան շարժումը լավ լծակ է հանդիսացել, որպեսզի Հայաստանի ինքնիշխանությունը, բարեկեցությունը և անկախությունը չկայանան:
«Եկել է խաղաղության ժամանակաշրջանը, և թույլ տվեք ասել, որ Հայաստանի Հանրապետության քաղաքացիները գոհունակությամբ են ընդունել խաղաղության հաստատտաման փաստը, և ինչպես տեսնում եք դա հերքող ոչ մի փաստ չկա»,- ասել է Փաշինյանը:
