«Միջանցք չի լինի՝ ուժով ոչինչ չի ստացվի»․ ՀՀ-ում Իրանի դեսպան
ՀՀ-ում Իրանի դեսպան Մեհդի Սոբհանին մեկնաբանել է «Զանգեզուրի միջանցքի» մասին հայտարարությունները՝ նշելով, որ չի լսել, որ Սյունիքի մարզով Ադրբեջանի արևմտյան շրջաններն ու Նախիջևանը կապող ճանապարհը այդպես է անվանվել։
Ի պատասխան այն դիտարկմանը, թե Ադրբեջանի նախագահ Իլհամ Ալիևը Չինաստանում կայացած գագաթնաժողովում այս անվանումն է օգտագործել, դեսպանը շեշտել է. ««Միջանցք» անվանումով ոչինչ գոյություն չունի։ Մենք խոսում ենք ճանապարհի մասին․ ո՛չ խաղաղության համաձայնագրում, ո՛չ ստորագրված հռչակագրում միջանցքի մասին չի խոսվում։ Միջանցք չի լինի․ ուժով ոչինչ չի ստացվի»։
