Կատարի վրա Իսրայելի հարվածի առնչությամբ ՄԱԿ-ի Անվտանգության խորհրդի նիստ կհրավիրվի

Կատարի վրա Իսրայելի հարվածների առնչությամբ ՄԱԿ-ի Անվտանգության խորհրդի նիստ կհրավիրվի սեպտեմբերի 10–ին․ այս մասին հայտնել է նախագահող Կորեայի Հանրապետության առաքելությունը։

««Իրավիճակը Մերձավոր Արևելքում» թեմայով նիստը նախատեսված է այսօր՝ ժամը 15:00-ին (սեպտեմբերի 10-ին, Հայաստանի ժամանակով ժամը 20:00-ին – խմբ.)», – ասել է ներկայացուցիչը։

Հիշեցնենք, որ երեկ Կատարի արտաքին գործերի նախարարությունը հայտնել էր, որ Իսրայելը հարվածել է Դոհայում բնակելի շենքերին, որտեղ բնակվում էին ՀԱՄԱՍ-ի քաղբյուրոյի մի քանի անդամներ։