Խոսքի և քաղաքական ազատությունների հետ կապված մարտահրավերները չեն ազդում Ադրբեջանում օտարերկրյա ներդրումների վրա․ Պետդեպ
Ադրբեջանի ներդրումային միջավայրը խառը պատկեր ունի։ Տնտեսությունը շարունակում է մեծապես կախված լինել նավթից ու գազից, որոնք գերակշռում են ինչպես արտահանման եկամուտներում, այնպես էլ՝ պետական բյուջեում։ Դիվերսիֆիկացիայի և կառուցվածքային բարեփոխումների դանդաղ տեմպը շարունակում է խոչընդոտել իսկապես մրցակցային և թափանցիկ բիզնես միջավայրի զարգացմանը․ նշվում է ԱՄՆ Պետքարտուղարության «2025 թվականի ներդրումային միջավայրի հաշվետվության» մեջ։
Ինչպես նշվում է, դատական անկախության և թափանցիկության վերաբերյալ զգալի մտահոգություններ կան։ Այս խնդիրները, զուգորդված կառավարության հետ կապված հոլդինգային ընկերությունների փոքր խմբի գերիշխանության և պետական ձեռնարկությունների գերակշռության հետ, կարող են խանգարել պոտենցիալ ներդրողներին։
Էներգետիկայից բացի, տրանսպորտի և լոգիստիկայի ոլորտները պոտենցիալ ներդրումների մեկ այլ ոլորտ են, մասնավորապես՝ հաշվի առնելով Միջին միջանցքի բարելավման և Ռուսաստանից հեռու առևտրային ուղիների դիվերսիֆիկացման վրա կենտրոնացումը։
Չնայած կան խոսքի և քաղաքական ազատությունների հետ կապված մարտահրավերներ, ընդհանուր իրավիճակն էականորեն չի ազդում օտարերկրյա ներդրումների վրա:
