ՀՀ-ի և Ադրբեջանի առաջնորդները թույլ են տվել ԱՄՆ-ին միջնորդել խաղի կանոնները փոխող գործարքի հարցում, սակայն ՌԴ-ն չպետք է հրաժարվի իր ազդեցությունից․ Eesti Eest

Ռուսաստանի արտաքին գործերի նախարար Սերգեյ Լավրովն անցյալ շաբաթ զգուշացրել է, որ «ՆԱՏՕ-ն և ԵՄ-ն կառուցում են իրենց սեփական երկխոսությունները և փոխգործակցության շրջանակները Կենտրոնական Ասիայի և Հարավային Կովկասի հետ»: Նրա խոսքով՝  Արևմուտքը ձգտում է օգտագործել այս կապերը՝ այդ երկրները Ռուսաստանի Դաշնությունից հեռացնելու, այլ ոչ թե փոխշահավետ համագործակցություն հաստատելու համար․ գրում է Eesti Eest թերթը։

Ինչպես նշվում է, ավելի լայն համատեքստում սա վերաբերում է «Թրամփի ուղուն» (TRIPP), որը, ինչպես սպասվում է, կհանգեցնի նրան, որ ՆԱՏՕ-ի անդամ Թուրքիան ավելի շատ արևմտյան ազդեցություն կներդնի Ռուսաստանից հարավ գծի բոլոր պետություններում:

Ըստ թերթի՝ Հայաստանի և Ադրբեջանի առաջնորդները թույլ են տվել ԱՄՆ-ին միջնորդել իրենց միջև, հնարավոր է, խաղի կանոնները փոխող գործարքի հարցղում։ Այդուամենայնիվ, Ռուսաստանը չպետք է հրաժարվի իր ազդեցությունից։

Նշվում է, որ հոկտեմբերի սկզբին Ռուսաստան-Կենտրոնական Ասիա երկրորդ գագաթնաժողովի ժամանակ Պուտինի առաջարկած համատեղ զարգացումը ցույց է տալիս, որ նա գիտակցում է այս նոր մարտահրավերները և պատրաստ է մրցակցել Արևմուտքի հետ։ Այնուամենայնիվ, դա կարող է բավարար չլինել Թուրքիայի կողմից այս տարածաշրջանում արևմտյան ռազմական ազդեցության տարածման հետևանքով առաջացող անվտանգության սպառնալիքները կանխելու համար։