Այդ հարցն, անշուշտ, կքննարկվի Բաքվում․ Վենսը՝ հայ գերիների մասին
Այդ հարցն, անշուշտ, կքննարկվի Բաքվում․ «Զվարթնոց» օդանավակայանում Բաքու մեկնելուց առաջ լրագրողների հետ զրույցում ասել է ԱՄՆ փոխնախագահ Ջեյ Դի Վենսը։
Հարցին՝ արդյոք Ադրբեջան այցի ընթացքում Վենսը կքննարկի նաև Բաքվում պահվող հայ գերիների ազատ արձակման հարցը, Վենսն ասել է․ «Այդ հարցն, անշուշտ, կքննարկվի։ Մենք շատ լավ հարաբերություններ ունենք և՛ վարչապետ Փաշինյանի, և՛ նախագահ Ալիևի հետ։ Ես երեկ լսեցի վարչապետի խոսքը․ նա լավատեսորեն է տրամադրված խաղաղության համաձայնագրի հարցում՝ հիմնվելով նրա վրա, թե որտեղ ենք մենք գտնվում մի քանի ամիս առաջվա համեմատ։ Մենք, անշուշտ, մի շարք թեմաներ ենք բարձրացնելու։ Կարծում եմ՝ շարունակելու ենք հաջողությամբ աշխատել ադրբեջանցիների և հայերի հետ»։
