Երկաթուղու այն բացակայող հատվածը, որի պատճառով Գյումրի-Կարս կապը չի գործում, պետք է կառուցվի, այդ հնարավորությունը մենք բաց չենք թողնելու․ Արարատ Միրզոյան
Հայաստանը պատմական հնարավորություն ունի դառնալու այլընտրանքային օղակ Արևմուտք-Արևելք այս նոր ապրանքային շարժի, առևտրի մեջ։ Այդ շարժն այսպես թե այնպես լինելու է, մենք պատմական հնարավորություն ունենք դառնալու կարևոր առանցքային հանգույցներից մեկը, և այդ հնարավորությունը մենք բաց չենք թողնելու․ այսօր ՔՊ-ի նախընտրական քարոզարշավի ժամանակ, պատասխանելով լրագրողների հարցերին, ասաց ՀՀ ԱԳ նախարար Արարատ Միրզոյանը։
«Չի կարելի, դա մենք ինքներս մեզ երբեք չենք կարող ներել, հետևաբար՝ այդ հարցը պետք է լուծվի։ Երկաթուղու այն բացակայող հատվածը, որը չկա, և հետևաբար՝ Գյումրի-Կարս կապը չի գործում, պետք է կառուցվի։ Հիմա խոսում ենք ռուսաստանցի գործընկերների հետ։ Կստացվի՞ իրենց հետ համատեղ, կստացվի, չի ստացվի, որևէ այլ լուծում կգտնենք, բայց այդ հարցը պետք է լուծվի»,-ասաց նա։
