Թուրքիայում նախապատրաստում են Պուտին-Էրդողան հանդիպումը

Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հանդիպումը նախապատրաստվում է, մանրամասները համաձայնեցվում են դիվանագիտականն ուղիներով, սակայն հանդիպման հստակ ամսաթիվն ու վայրը դեռ հայտնի չէ․ տեղեկացնում է РИА Новости գործակալությունը՝ հղում անելով թուրքական վարչակազմի աղբյուրներին։

Ավելի վաղ Պուտինը հայտարարել էր, որ պլանավորում է Էրդողանի հետ հանդիպել 2024-ի սկզբում։ Մինչ այդ երկու երկրների ղեկավարների հանդիպումը չէր կայացել Թուրքիայի նախագահի աշխատանքային հագեցած օրակարգի պատճառով։

Էրդողանն իր հերթին հայտարարել էր, որ Պուտինի հետ հանդիպում կունենա՝ քննարկելու «հացահատիկային գործարքը»։