Ադրբեջանի հետ ձեռք բերված պայմանավորվածություններից հետընթաց կա. Արարատ Միրզոյանի ասուլիսի կարևոր կետերը
Հայ-ադրբեջանական սահմանին էսկալացիայի վտանգ այս պահին էլ առկա է։
Ալիևի վերջին հարցազրույցում մենք լսեցինք անթաքույց պահանջներ ՀՀ սուվերեն տարածքի նկատմամբ։
Ուղիղ կապ կա ոչ միայն Փաշինյանի և Ալիևի վարչակազմերի միջև, այլև արտաքին գործերի նախարարության և այլ գերատեսչությունների։ Խաղաղության համաձայնագրի առաջարկների փոխանակումը, օրինակ, տեղի է ունենում ԱԳՆ-ի միջոցով։
Ադրբեջանն առաջարկել է օգտագործել 1974-1990թթ. քարտեզները։ Որոշ ուսումնասիրությունից հետո հայկական կողմը ենթադրել է, որ դրանք կարող են կիրառելի լինել։
Ադրբեջանի նախագահի վերջին հարցազրույցում նույնիսկ ադրբեջանական բուն առաջարկից է հետընթաց նկատվում։
Հետընթաց կա արդեն իսկ ձեռք բերված պայմանավորվածություններից։
Ադրբեջանի նախագահը հղում էր անում 1918-20 թթ. ինչ-որ քարտեզների կամ խոսում էր նոր սահմաններ գծելու մասին։
Նոր սահմաններ գծելու լիազորություն որևէ մեկը չունի։
