Տավուշի մարզի գյուղերի հանձնման խնդիրը միայն տավուշցիների խնդիրը չէ, յուրաքանչյուրինս է․ ABC media-ի հետ զրույցում ասել ՀՀ վաստակավոր արտիստ Արսեն Գրիգորյանը:
«Դեմ եմ, որ ասում են` ամեն մարդ պետք է իր գործով զբաղվի։ Կան գործեր, որոնք ընդհանրական են բոլոր հայերի համար՝ ոչ միայն Հայաստանում, այլ ամբողջ աշխարհում։ Ոսկեպարի, Բաղանիսի, Տեղ գյուղի, Ներքին Հանդի, Վարդենիսի և մյուս սահմանամերձ տարածքների անվտանգության ապահովմամբ պետք է հետաքրքված լինեն բոլորը»,-ասել է նա։
Գրիգորյանի խոսքով՝ պետք է բոլորս տեր կանգնենք պետական ու ազգային իրավունքներին, որովհետև վտանգված են ոչ միայն ՀՀ տարածքները, այլև մեր պատմամշակութային կոթողները։
«Արթնացե՛ք և կտեսնեք, որ մենք հերթով կորցնում ենք ունեցածը, արթնացե՛ք ու տեսե՛ք, որ խնդիրը Ոսկեպարը կամ մյուս գյուղերը հանձնելով չի վերջանա»,-ասել է Գրիգորյանը։
Հիշեցնենք, որ այսօր Տավուշի մարզի Ոսկեպար գյուղում հանրահավաք է։
Մասնակիցների թվում նաև ԱԺ պատգամավորներ, մտավորականներ, արվեստի գործիչներ կան։
